E premte, 19 Gusht, 2022

Konflikti Rusi-Ukrainë, ish-ministrja e Jashtme e Shqipërisë: Më shqetëson militarizimi i Serbisë

“Gjatë gjithë këtyre muajve kur është diskutuar pushtimi i Ukrainës nga Rusia, unë kam qenë e shqetësuar për militarizimin e Serbisë. Që prej vitit 2014 e deri sot vazhdon të harxhojë diku te 1,4 miliardë euro në vit për militarizimin e saj në buxhetin e mbrojtjes”.

Kështu u shpreh në A2 CNN ish-ministrja e Jashtme, Edith Harxhi, teksa u fol për tensionet mes Rusisë dhe Ukrainës dhe ndikimin që mund të ketë në Ballkan.

Harxhi u shpreh më pas se ngjarjet e fundit në Ballkan nuk janë të rastësishme në këtë periudhë.

“Së bashku me disa probleme që janë krijuar rishtazi në dialogun Serbi-Kosovë, destabilizimi i skenës politike në Mal të Zi apo edhe ai në Maqedoni më shqetësojnë shumë për fatin e rajonit. Këto nuk janë të rastësishme në një kohë kur Rusia ka vendosur me mijëra trupa në kufij me Ukrainën”.

Të fundit